Rafiq Raaz

ghazab ki kaT thi ab ke hawa ke tanon mein

Rafiq Raaz

1954

ġhazab kaaT thī ab ke havā ke tānoñ meñ

shigāf paḌ ga.e haiñ be-zabāñ chaTānoñ meñ

hamāre hoñT patthar ke haiñ vagarna miyāñ

ham ek aag liye phirte haiñ dahānoñ meñ

bagūla ban ke uThā to maiñ thā ḳharābe se

bapā huā na koī hashr āsmānoñ meñ

siyāh shahr qismat meñ merā faiz kahāñ

charāġh-e-nazr huuñ jaltā huuñ āstānoñ meñ

Tapak paḌā huuñ bil-āḳhir maiñ apnī āñkhoñ se

chhupā rakhā thā mujhe tum ne kin ḳhazānoñ meñ

sukūt ko na kabhī kar sadā se ālūda

ki ye zabāñ hai muqaddas-tarīñ zabānoñ meñ

suḳhan-shanās fasīloñ hai sukūt ġhazab

suḳhan-tarāz haiñ zanjīreñ qaid-ḳhānoñ meñ

Top Urdushayar.com