bhulā paanā bahut mushkil hai sab kuchh yaad rahtā hai
mohabbat karne vaalā is liye barbād rahtā hai
agar sone ke piñjḌe meñ bhī rahtā hai to qaidī hai
parinda to vahī hotā hai jo āzād rahtā hai
chaman meñ ghūmne phirne ke kuchh ādāb hote haiñ
udhar hargiz nahīñ jaanā udhar sayyād rahtā hai
lipaT jaatī hai saare rāstoñ kī yaad bachpan meñ
jidhar se bhī guzartā huuñ maiñ rasta yaad rahtā hai
hameñ bhī apne achchhe din abhī tak yaad haiñ 'rānā'
har ik insān ko apnā zamāna yaad rahtā hai