ḳhud lafz pas-e-lafz kabhī dekh sake bhī
kāġhaz kī ye dīvār kisī tarah gire bhī
kis dard se raushan hai siyah-ḳhāna-e-hastī
sūraj nazar aatā hai hameñ raat ga.e bhī
vo ham ki ġhurūr-e-saf-e-ādā-shiknī the
āḳhir sar-e-bāzār hue ḳhvār bike bhī
bahtī haiñ rag o pai meñ do-ābe kī havā.eñ
ik aur samundar hai samundar se pare bhī
aḳhlāq o sharāfat kā añdherā hai vo ghar meñ
jalte nahīñ ma.asūm gunāhoñ ke diye bhī