tirī sūrat mujhe batātī hai
yaad merī tujhe bhī aatī hai
us ke ik baar dekhne kī adā
dil meñ sau hasrateñ jagātī hai
mere dil meñ vo aa.e haiñ aise
jaise āñgan meñ dhuup aatī hai
ḳhvāb meñ jab bhī dekhtā huuñ use
niiñd āñkhoñ se ruuTh jaatī hai
apnī marzī se ham nahīñ chalte
koī tāqat hameñ chalātī hai
ham haiñ tahzīb ke alam-bardār
ham ko urdu zabān aatī hai
maiñ to sāhil huuñ mauj dariyā kī
mujh ko ḳhud hī gale lagātī hai