dil kī ḳhvāhish baḌhte baḌhte tūfāñ hotī jaatī hai
zar kī chāhat ab logoñ kā īmāñ hotī jaatī hai
pyaar mohabbat hamdardī ke rishte the insānoñ meñ
dil vāloñ ko ab ye duniyā zindāñ hotī jaatī hai
marghaT kā sā sannāTā hai ghar kūche bāzāroñ meñ
dil kī bastī rafta rafta vīrāñ hotī jaatī hai
insānoñ ke ḳhuuñ ke pyāse aur nahīñ ḳhud insāñ haiñ
aql bichārī dekh ke duniyā hairāñ hotī jaatī hai
jhūTe va.ade sunte sunte sapne chaknā-chūr hue
māyūsī be-zārī dil meñ mehmāñ hotī jaatī hai