suntā nahīñ hai dil to us bevafā kī bāteñ
kal par uThā ke rakkho us bevafā kī bāteñ
dil hai udaas ab to is tazkire ko badlo
kyoñ ho musir ki sun lo us bevafā kī bāteñ
aaj us ne hai rulāyā ham ko bahut satāyā
ham se na karnā ab to us bevafā kī bāteñ
TuuTe haiñ ḳhvāb mere ab dafn in ko kar do
dohrā bhī kyoñ rahe ho us bevafā kī bāteñ
ham ko sameTnā haiñ ab dil kī kirchiyāñ bhī
toḌā hai dil ko dekho us bevafā kī bāteñ
us kī judā.ī kaise ab ham 'duā' saheñge
kuchh der phir se kar lo us bevafā kī bāteñ