kāfir-e-ishq ko kyā se kyā kar diyā
but ne haq āshnā āshnā kar diyā
koī dekhe haqīqat mire kufr kī
maiñ ne jis but ko puujā ḳhudā kar diyā
pārsā.ī dharī rah ga.ī shaiḳh kī
chashm-e-jādū-asar tū ne kyā kar diyā
dekhne vaale ka.aba samajhne lage
kitnā raushan tirā naqsh-e-pā kar diyā
but-parastī meñ kī maiñ ne vo bandagī
but-kade ko bhī qibla-numā kar diyā
ai fanā merī mayyat pe kahte haiñ vo
aap ne apnā va.ada vafā kar diyā