soch meñ Duubā huā huuñ aks apnā dekh kar
jī laraz uTThā tirī āñkhoñ meñ sahrā dekh kar
pyaas baḌhtī jā rahī hai bahtā dariyā dekh kar
bhāgtī jaatī haiñ lahreñ ye tamāshā dekh kar
ek din āñkhoñ meñ baḌh jā.egī vīrānī bahut
ek din rāteñ Darā.eñgī akelā dekh kar
ek duniyā ek saa.e par taras khātī huī
lauT kar aayā huuñ maiñ apnā tamāshā dekh kar
umr bhar kāñToñ meñ dāman kaun uljhātā phire
apne vīrāne meñ aa baiThā huuñ duniyā dekh kar