kabhī paiġhām-e-sukūñ terī nazar ne na diyā
zindagī chhīn lī is tarah ki marne na diyā
thī bahār-e-gul-e-jalva ki havā kā jhoñkā
jis ne dāman nigah-e-shauq kā bharne na diyā
dī jis ehsās ne marne kī tamannā ham ko
usī ehsās kī ra.anā.ī ne marne na diyā
jaane kyā qissa-e-ġham thā ki nazar ne terī
bhūlne bhī na diyā yaad bhī karne na diyā
umr bhar ek tamannā-e-sukūñ ne ham ko
dil kī betābī kā andāza bhī karne na diyā