maiñ to aisā koī manzar kabhī dekhā na thā
din Dhalā jaatā thā aur saaya koī lambā na thā
phir to us ke sāmne jaise koī rasta na thā
jītne vaalā kabhī yuuñ hausla haarā na thā
log to kahte the lekin maiñ bhī to andhā na thā
maiñ ne ḳhud dekhā hai mere dhaḌ pe bhī chehra na thā
roknā chāhā thā maiñ ne vo bhī ruk jaatā magar
ek jhoñkā thā havā kā vo Thahar saktā na thā
kitne hī kachche ghaḌe lahroñ ko yaad aane lage
sāhiloñ ke hoñToñ par aisā koī nauha na thā
god meñ maaoñ kī bachche rāt-bhar rote rahe
paas potoñ vāliyoñ ke kyā koī qissa na thā