dhuup thī aur bādal chhāyā thā

der ke ba.ad tujhe dekhā thā

maiñ is jānib tū us jānib

biich meñ patthar kā dariyā thā

ek peḌ ke haath the ḳhālī

ik Tahnī par diyā jalā thā

dekh ke do jalte sāyoñ ko

maiñ to achānak sahm gayā thā

ek ke donoñ paañv the ġhā.eb

ek kā puurā haath kaTā thā

ek ke ulTe pair the lekin

vo tezī se bhaag rahā thā

un se ulajh kar bhī kyā letā

tiin the vo aur maiñ tanhā thā