ḳhvāb meñ dekh rahā huuñ ki haqīqat meñ use
maiñ kabhī dekh nahīñ saktā musībat meñ use
vo mirā yār-e-tarah-dār ki ḳhush-fahm bhī hai
koī dhoka hī na de jaa.e mohabbat meñ use
zindagī ho to ka.ī kaam nikal aate haiñ
yaad ā.ūñgā kabhī maiñ bhī zarūrat meñ use
ik ta.alluq thā ki shīshe kī tarah TuuT gayā
joḌ saktā hī nahīñ maiñ kisī sūrat meñ use
aaj tak jism mirā TuuT rahā hai 'fāzil'
maiñ ne dekhā thā kabhī niind kī hālat meñ use