umr-bhar kuchh is tarah ham jāgte sote rahe
bhiiḌ meñ hañste rahe tanhā.ī meñ rote rahe
raushnī kī thī kahāñ fursat jo vo ye sochtī
kaise kaise us kī ḳhātir ham havan hote rahe
dhuup kī fasleñ ugeñgī ye hameñ ma.alūm thā
phir bhī ham sab ke diloñ meñ chāñdnī bote rahe
saare bojhoñ ko baḌā achraj hai kaise ham unheñ
phuul jaisī zindagī kī piiTh par Dhote rahe
un hī zaḳhmoñ ne hameñ sauñpī karāheñ ai 'kuñvar'
jin ke muñh ham āñsuoñ ke niir se dhote rahe