ba.ad muddat ke mire aañkh se aañsū nikle
ḳhushk sahrā meñ jo paanī gire ḳhushbū nikle
ashk sūkhe hue gāloñ pe kajī se nikle
raqs karte hue sahrāoñ meñ aahū nikle
tere dīvāne ke dīvānoñ ke dīvāne haiñ
terī kyā baat kareñ bātoñ se ḳhushbū nikle
tere maiḳhāne meñ jo aaj uchhālā sāġhar
ek qatre ke mire saikḌoñ pahlū nikle
sāqiyā tū ne jo kal dī thī mujhe kam dī thī
aaj nikle to faqat le ke tarāzū nikle
niiñd se chuur zamāne kī daraḳhshāñ ho hayāt
ghar se añgḌā.iyāñ letā huā gar tū nikle