tū hī to nahīñ pighal rahā hai
apnā bhī libās jal rahā hai
maiñ chal bhī diyā huuñ tujh se mil kar
tū hī ki abhī sambhal rahā hai
rone kī to kar rahā huuñ koshish
mausam hī nahīñ badal rahā hai
dariyā ke badal rahe haiñ tevar
maujoñ kā bhī ruḳh badal rahā hai
ghar apnā hai phir ye kyā sitam hai
ki hukm kisī kā chal rahā hai
'mahfūz' dimāġh aaj apnā
kuchh aur bhī tez chal rahā hai