jī hech jaan hech na dil ne jigar aziiz
sab se sivā hai vasl tirā fitna-gar aziiz
aa.ī ḳhabar jo us kī to jā.egī apnī jaan
ab to barābar apne huā nāma-bar aziiz
le jaa.eñ apnī be-hunaroñ pās-e-iltijā
rakhte haiñ log is liye kasb-e-hunar aziiz
rahne na de jo vahshat-e-dil hī to kyā karūñ
vo kaun hai ki jis ko nahīñ apnā ghar aziiz
'sālik' shab-e-visāl meñ nafrat hai jis qadar
us se ziyāda hai shab-e-furqat sahar aziiz