us kā lahja kitāb jaisā hai
aur vo ḳhud gulāb jaisā hai
dhuup ho chāñdnī ho bārish ho
ek chehra ki ḳhvāb jaisā hai
be-hunar shohratoñ ke jañgal meñ
sañg bhī āftāb jaisā hai
bhuul jāoge ḳhāl-o-ḳhad apne
aa.ina bhī sarāb jaisā hai
vasl ke rañg bhī badalte the
hijr bhī inqalāb jaisā hai
yaad rakhnā bhī tujh ko sahl na thā
bhūlnā bhī azaab jaisā hai
be-sitāra hai āsmāñ tujh bin
aur samundar sarāb jaisā hai