tez havā ab to ruk jā maiñ TuuT gayā
farz se tū fāriġh maiñ jaañ se chhūT gayā
chhoḌ ke sab qissa bas itnā kahtā huuñ
dīvāroñ se Takrāyā sar phuuT gayā
kaan sunī bātoñ ko ham ne sach jaanā
ā.ankhoñ se dekhā to sab kuchh jhuuT gayā
ā.īna dekhā to kuchh kuchh hosh aayā
koī merā baaġh sā chehra luuT gayā
ab to jī meñ aatā hai kuchh kar baiThūñ
mere haath se sabr kā dāman chhūT gayā