galī se apnī uThātā hai vo bahāne se
maiñ be-ḳhabar rahūñ duniyā ke aane jaane se
kabhī kabhī to ġhanīmat hai yaad rafta kī
biThā na roz lagā ke use sirhāne se
ajiib shaḳhs thā maiñ bhī bhulā nahīñ paayā
kiyā na us ne bhī inkār yaad aane se
uThā rakhī hai kisī ne kamān sūraj kī
girā rahā hai mire raat din nishāne se
koī sabab to hai aisā ki ek umr se haiñ
zamāna mujh se ḳhafā aur maiñ zamāne se