usī jannat jahannam meñ marūñgā
ga.e mausam ko āvāzeñ na dūñgā
na.e jismoñ se maqtal jāgte haiñ
na.e logoñ ke raste par chalūñgā
mirī āñkheñ salāmat haiñ to phir maiñ
parā.e ḳhvāb le kar kyā karūñgā
lahū kī surḳhiyāñ mere alam haiñ
ḳhizāñ ke zard lashkar se laḌūñgā
kisī ḳhitte meñ qatl-e-raushnī ho
maiñ apne shahr par nauha kahūñgā
aur us par jo sitam TūTegā us ko
tumhāre naam likkhūñgā sahūñgā