Kunwar Mahendra Singh Bedi Sahar

shoKHi shabab husn tabassum haya ke sath

Kunwar Mahendra Singh Bedi Sahar

Sahiwal, Punjab, Pakistan

1909-1992

shoḳhī shabāb husn tabassum hayā ke saath

dil le liyā hai aap ne kis kis adā ke saath

har lamha māñgte haiñ duā dīd-e-yār

yād-e-butāñ bhī dil meñ hai yād-e-ḳhudā ke saath

tīr-e-nigāh lutf-o-karam se na bach sakā

jo mar sakā na ḳhanjar-e-jaur-o-jafā ke saath

ifshā-e-rāz-e-ishq mujh se ho kyā gila

kyā tum chhupā sake ho use is hayā ke saath

dil kāmyāb hai na nazar bāryāb hai

paalā paḌā hai ishq meñ kis bevafā ke saath

ai mohtasib hamāre gunah haiñ bajā magar

rahmat baab khultā hai har ik ḳhatā ke saath

Top Urdushayar.com