gar dil se bhulā.ī mirī chāhat nahīñ jaatī
kyuuñ phir tirī inkār kī aadat nahīñ jaatī
phir oḌh lī hai ham ne tire naam kī chādar
phir dil se, vahī ghar kī zarūrat nahīñ jaatī
kyuuñ raat ke parde meñ chhupā din nahīñ ātā?
kyuuñ aañkh se lipTī ye masāfat nahīñ jaatī
kyuuñ vaqt rukā hai mirī āñkhoñ meñ abhī tak?
kyuuñ lams kī tere vo tamāzat nahīñ jaatī
kyuuñ vasl kī bārish nahīñ hotī mire āñgan?
kyuuñ hijr kī 'nāhīd' ye hiddat nahīñ jaatī