nigāh-e-lutf kyā kam ho ga.ī hai
mohabbat aur mohkam ho ga.ī hai
tabī.at kushta-e-ġham ho ga.ī hai
charāġh-e-bazm-e-mātam ho ga.ī hai
ma.āl-e-zabt-e-paiham ho ga.ī hai
masarrat hāsil-e-ġham ho ga.ī hai
tamannā jab baḌhī hai apnī had se
to māyūsī kā aalam ho ga.ī hai
na jaane kyuuñ adāvat hī adāvat hai
sirisht-e-ibn-e-ādam ho ga.ī hai
hai mahv-e-raqs har barg-e-chaman par
baḌī bebāk shabnam ho ga.ī hai
hañsī hoñToñ par aate aate 'aḳhtar'
payām-e-girya-e-ġham ho ga.ī hai