vaqt ḳhud kā ḳhud-baḳhud hī ab hameñ laanā paḌegā
valvale meñ aa ke ham ko ḳhuun mahkānā paḌegā
tīrgī taqdīr kī gar ḳhatm karnī hai hameñ to
phir hameñ apnā sitārā aap chamkānā paḌegā
zindagī kā lutf uThāne kī agar ḳhvāhish hai dil meñ
to javānī meñ hameñ kuchh bachpanā laanā paḌegā
gar nujūmī koī paḌh saktā hai hāthoñ kī lakīreñ
maut kā merī use tai vaqt batlānā paḌegā
is ḳhudā ne kāmyābī ko rakhā ūñchī jagah par
ab to mehnat kar ke hī ham ko vahāñ jaanā paḌegā