sabr aatā hai judā.ī meñ na ḳhvāb aatā hai
raat aatī hai ilāhī ki azaab aatā hai
be-qarārī dil-e-betāb kī ḳhālī to nahīñ
yā vo ḳhud aate haiñ yā ḳhat kā javāb aatā hai
muñh meñ vaa.iz ke bhī bhar aatā hai paanī akasr
jab kabhī tazkira-e-jām-e-sharāb aatā hai
kis qayāmat kī ye aamad hai ḳhudā ḳhair kare
fitna-e-hashr bhī ham-rāh-e-rikāb aatā hai
riñd-e-mashrab koī 'beḳhud' sā na hogā vallāh
pī ke masjid hī meñ ye ḳhāna-ḳharāb aatā hai