adū ke tākne ko tum idhar dekho udhar dekho
magar ham tum ko dekhe jaa.eñ tum chāho jidhar dekho
laḌā.ī se yūñhī to rokte rahte haiñ ham tum ko
ki dil kā bhed kah detī hai tum chāho jidhar dekho
adā.eñ dekhne baiThe ho kyā ā.īne meñ apnī
diyā hai jis ne tum jaise ko dil us kā jigar dekho
savāl-e-vasl par kuchh soch kar us ne kahā mujh se
abhī va.ada to kar sakte nahīñ haiñ ham magar dekho
na karnā tark 'beḳhud' mohtasib ke Dar se mai-ḳhvārī
kahīñ dhabbā lagā lenā na apne naam par dekho