kahāñ aur kab kab akelā rahā huuñ
maiñ har roz har shab akelā rahā huuñ
mujhe apne baare meñ kyā mashvara ho
maiñ apne liye kab akelā rahā huuñ
udāsī kā aalam yahāñ tak rahā hai
maiñ hote hue sab akelā rahā huuñ
yahāñ se vahāñ tak idhar se udhar tak
maiñ pashchim se pūrab akelā rahā huuñ
bahut hausla mujh ko maiñ ne diyā hai
maiñ rote hue jab akelā rahā huuñ
tirī zaat mujh se judā hī rahī hai
maiñ tab ho ki yā ab akelā rahā huuñ