mahfiloñ ko guzār paa.e ham
tab kahīñ ḳhalvatoñ pe chhā.e ham
haiñ udāsī ke kokh-jā.e ham
zindagī ko na raas aa.e ham
khaad paanī banā diyā ḳhud ko
silsile-vār lahlahā.e ham
nasl tāroñ kī zid lagā baiThī
isti.āre utaar laa.e ham
ruuh ke hoñTh sil ke hī maane
harkatoñ se na ba.az aa.e ham
farz ham par hai raushnī kā safar
nuur kī chhūT ke haiñ jaa.e ham
pyaas ko pyaar karnā thā keval
ek akhshar badal na paa.e ham
bas hamāre hī saath rahtī hai
kyuuñ udāsī ko itnā bhaa.e ham