ghar se niklā to mulāqāt huī paanī se
kahāñ miltī hai ḳhushī itnī farāvānī se
ḳhush-libāsī hai baḌī chiiz magar kyā kījiye
kaam is pal hai tire jism kī uryānī se
sāmne aur hī dīvār o shajar paatā huuñ
jaag uThtā huuñ agar ḳhvāb-e-jahāñbānī se
umr kā koh-e-girāñ aur shab-o-roz mire
ye vo patthar hai jo kaTtā nahīñ āsānī se
shaam thī aur shafaq phuuT rahī thī 'sarvat'
ek raqqāsa kī jaltī huī peshānī se