ek ik tār-e-nafas āshufta-e-āhañg thā

ab ki bāzār-e-dar-o-dīvār kā kyā rañg thā

paikar-e-ḳhāshāk kī dīda-varī pighlī kahāñ

Dūbte sūraj kā dāman ḳhvāb-gāh-e-sañg thā

kab talak poshīda rahtī hasrat-e-shahr-e-talab

vaqt kī dīvār par ā.īna-e-nairañg thā

ahd-e-rafta kī bahut koshish rahī ho sulh phir

lamha-e-betāb āmāda barā-e-jañg thā

pattharoñ ne is tarah kī zaḳhm kī chāragarī

dekh kar dīvār vahshat kā bhī chehra dañg thā

ek din oḌhī thī dil ne āhanī chādar kabhī

ab talak 'āmir' mire ġham par nishān-e-zañg thā