lams-o-yaqīñ apnā kahāñ pesh-o-pas meñ thā
to phir ye kaisā josh sadā-e-jaras meñ thā
zarroñ ke intishār ne mashkūk kar diyā
yuuñ uqda-e-vajūd bhī mīzān-e-ḳhas meñ thā
thā jism ibtidā se aziyyat kī qaid meñ
kyuuñ ġhāza-e-ḳhyāl munavvar qafas meñ thā
sākit zamīñ ke jism pe hañgāma-e-sadā
yuuñ lashkar-e-hayāt ravāñ be-nafas meñ thā
qirtās-e-zāt par tire 'āmir' jo khil uThā
vo nuqta-e-urūj kahāñ tere bas meñ thā