ham ne aap ke ġham ko ham-safar banāyā hai
ya.anī zindagānī ko mo'atabar banāyā hai
har ġham-e-zamāna ko dil meñ dī jagah ham ne
ḳhuub jo milā us ko ḳhūb-tar banāyā hai
iiñT aur patthar kā ghar nahīñ milā to kyā
dushmanoñ ke dil meñ bhī ham ne ghar banāyā hai
ehtiyāt sīkhī hai be-usūl logoñ se
ham ko chand andhoñ ne dīda-var banāyā hai
ziist ke gharauñde ko ham ne apne hāthoñ se
umr bhar bigāḌā hai umr bhar banāyā hai