aañsū hai qīmtī jo hamārī palak meñ hai
vo baat phir kahāñ jo faqat ik jhalak meñ hai
ham bhī usī tarah se zamāne ke biich haiñ
jis tarah se vo ek sitārā falak meñ hai
gamloñ meñ phuul ḳhuub sajā.e haiñ aap ne
lekin vo baat kab jo chaman kī mahak meñ hai
ham kab ye kah rahe haiñ nahīñ artist aap
vo baat to nahīñ hai jo uupar dhanak meñ hai
hai kam-libāsiyoñ kī baḌī dhuum āj-kal
lekin ye ġhaur kījiye chūḌī khanak meñ hai
hālāt itne bigḌe haiñ duniyā ke har taraf
is vāste 'vasīya' kā dil bhī kasak meñ hai