Zeeshaan sajid

waqt ki barf hai har taur pighalne wali

Zeeshaan sajid

Talagang, Punjab, Pakistan

1993

vaqt barf hai har taur pighalne vaalī

din bhī hai zer-e-safar shaam bhī Dhalne vaalī

ishq saa.e tarah saath chipak jaatā hai

ye balā to na kisī taur hai Talne vaalī

ham vo pahiye jo agar saath barābar na chale

ek meter bhī ye gaaḌī nahīñ chalne vaalī

ek dhaḌkā hai mire dil ko ḳhabardārī

ek ḳhvāhish hai mire zehn meñ palne vaalī

zard kah kar nazar-andāz kiyā thā jis ko

ab vahī shāḳh huī phūlne-phalne vaalī

hai ajab vaqt holī ki har ik chakkar par

suuī chehre pe nayā rañg hai malne vaalī

dā.era toḌā to hairat dar aa.ī 'zīshān'

ab ye hairat nahīñ andar se nikalne vaalī

Top Urdushayar.com