Zeeshaan sajid

ye ishq ek imtihan to le main pas kar lun

Zeeshaan sajid

Talagang, Punjab, Pakistan

1993

ye ishq ik imtihān to le maiñ paas kar luuñ

hudūd huuñ to hudūd saarī cross kar luuñ

bahut kaThin mas.aloñ tahlīl bhī hai mumkin

agar maiñ ik mas.ale ke TukḌe pachās kar luuñ

tamām qudrat khaḌī hai imkāñ ke nazariye par

qadam uThāne se pahle sikke se toss kar luuñ

kisān khetoñ se ghar na paayā sochtā thā

ikaTThī pahle maiñ umr-bhar kapās kar luuñ

ye zindagī mumkināt ik harā shajar hai

koī to ummīd bāñdh luuñ koī aas kar luuñ

shujā.atoñ ke lageñge sab vāqi.āt jhūTe

maiñ ḳhud ko gar mubtalā-e-ḳhuaf-o-hirās kar luuñ

safar to kaT jā.egā magar kyā safar kaTegā

so apne hamrāh chand phūloñ baas kar luuñ

maiñ aañkh meñ muntaqil karūñ raushnī ko 'zīshān'

magar ye behtar hai dhuup in.ikās kar luuñ

Top Urdushayar.com