āñkheñ khulīñ ki vā dar-e-zindān ho gayā
maiñ raushnī ko dekh ke hairān ho gayā
tujh se mushābahat nahīñ rakhtā koī yahāñ
ab tujh ko bhūlnā bhī to āsān ho gayā
us ne kahā ki phuul se titlī uḌā.iye
itnī sī baat par maiñ pareshān ho gayā
maiñ ḳhud se mil gayā thā tirī bāzyāft meñ
kyā mujh pe tere hijr kā ehsān ho gayā
mere tamām ḳhvāb mire dil meñ rah ga.e
merī to saarī umr kā nuqsān ho gayā