qayām meñ bhī kisī raah par ravāna thā
mirā mizāj azal se musāfirāna thā
paḌā thā us ke bhī ruḳh par naqāb-e-nā-maujūd
mirī bhī aañkh pe ik dast-e-ġhā.ebāna thā
ham apnī ruuh tire jism hī meñ chhoḌ aa.e
tujhe gale se lagānā to ik bahāna thā
tire husūl kī baazī bhī kitnī mushkil thī
idhar maiñ yakka-o-tanhā udhar zamāna thā
maiñ us ko dekhtā rahtā thā us kī āñkhoñ se
ḳhayāl-o-ḳhvāb kā mausam baḌā suhānā thā