Osama Khalid

Thik hai in dinon KHud par zara ghussa hun main

Osama Khalid

Muzaffargarh, Punjab, Pakistan

1998

Thiik hai in dinoñ ḳhud par zarā ġhussa huuñ maiñ

phir bhī apnī sabhī harkāt ko taktā huuñ maiñ

aañkh mez pe rakkhā hai mirā ḳhvāb-e-safar

aur bistar pe shikan Daal ke soyā huuñ maiñ

maslahat DhūñDte phirte ho sabhī kāmoñ meñ

tum ko bīmār nahīñ lagtā to achchhā huuñ maiñ

vaqt-e-vahshat mujhe pahchān nahīñ paatā koī

phir batātā huuñ fulāñ shaḳhs beTā huuñ maiñ

tum jo chāho to mujhe peḌ hissa kar do

varna pairoñ tale rauñdā huā pattā huuñ maiñ

chand lamhoñ dhuāñ aks meñ tabdīl huā

aur maiñ jhuum ke kahne lagā dekhā huuñ maiñ

saḳht bīmārī meñ rakhtā huuñ ḳhayāl aap apnā

ḳhud se ḳhud pūchhtā rahtā huuñ ki kaisā huuñ maiñ

Top Urdushayar.com