dil kī bāteñ haiñ ye bojhal na banā.ūñ us ko
maslahat ye hai ki kuchh bhī na batā.ūñ us ko
shahr meñ jā ke kahūñ kis se burā haal apnā
koī apnā ho to ahvāl sunā.ūñ us ko
aa basīñ dil meñ bhī rozī kī tamannā.eñ ab
ab kahāñ jā.ūñ ki duniyā se chhupā.ūñ us ko
har galī kūcha-e-qātil hai dil-e-īzā-talab
koī mushkil ho to āsān banā.ūñ us ko
lams mumkin nahīñ sho.ale kā binā ḳhaak hue
phuul ho sirf to siine se lagā.ūñ us ko