maslahat ke zāviyoñ se kis qadar anjān hai
ā.īnoñ ke biich meñ patthar bahut hairān hai
koī kyuuñ bantā sar-e-mahfil tamāshā sāhibo
sar uThā kar bolnā to bas merī pahchān hai
hāmiyoñ kī bhiiḌ par is raaz ko ifshā karo
qāfile ke muntashir hone kā bhī imkān hai
merā ronā giḌgiḌānā rā.egāñ sab rā.egāñ
aap kā ik muskurānā dā.imī farmān hai
reḳhta kā ik nayā majzūb hai 'shahpar' rasūl
shohrat us ke naam par ik nañg hai bohtān hai