aks kī sūrat dikhā kar aap kā saanī mujhe
saath apne le gayā bahtā huā paanī mujhe
maiñ badan ko dard ke malbūs pahnātā rahā
ruuh tak phailī huī miltī hai uryānī mujhe
is tarah qaht-e-havā kī zad meñ hai merā vajūd
āñdhiyāñ pahchān letī haiñ ba-āsānī mujhe
baḌh gayā is rut meñ shāyad nik.hatoñ kā e'tibār
din ke āñgan meñ lubhā.e raat kī raanī mujhe
munjamid sajdoñ kī yaḳh-basta munājātoñ kī ḳhair
aag ke nazdīk le aa.ī hai peshānī mujhe