vo shab-o-roz ḳhayāloñ meñ tamāshā na kare
aa nahīñ saktā to phir yaad bhī aayā na kare
ek ummīd kī khiḌkī sī khulī rahtī hai
apne kamre kā koī bulb bujhāyā na kare
roz email kare surḳh image hoñToñ ke
maiñ kisī aur sitāre pe huuñ sochā na kare
hāfiza ek amānat hai kisī kī lekin
yaad kī sard havā shaam ko royā na kare
chāñd ke husn pe har shaḳhs kā haq hai 'mansūr'
maiñ use kaise kahūñ raat ko niklā na kare