kab tak 'shakīl' dil ko duā kījiyegā aap
behtar yahī hai un ko bhulā dījiyegā aap
phir tishna-e-jamāl banā dījiyegā aap
ruḳh se naqāb ulaT kar girā dījiyegā aap
dil ke evaz to ġham hī diyā aap ne magar
ab jaañ bhī nazr kar duuñ to kyā kījiyegā aap
hotā jabīn-e-husn pe gumnāmiyoñ kā daaġh
vo to mirī nazar ko duā kījiyegā aap
ehsās-e-tark-e-shauq bajā hai magar 'shakīl'
māñgā javāb dil ne to kyā dījiyegā aap