batā ai abr musāvāt kyuuñ nahīñ kartā
hamāre gaañv meñ barsāt kyuuñ nahīñ kartā
mahāz-e-ishq se kab kaun bach ke niklā hai
tū bach gayā hai to ḳhairāt kyuuñ nahīñ kartā
vo jis kī chhāñv meñ pachchīs saal guzre haiñ
vo peḌ mujh se koī baat kyuuñ nahīñ kartā
maiñ jis ke saath ka.ī din guzār aayā huuñ
vo mere saath basar raat kyuuñ nahīñ kartā
mujhe tū jaan se baḌh kar aziiz ho gayā hai
to mere saath koī haath kyuuñ nahīñ kartā