ye dil duniyā se baaz aane lagā hai
ki ab siine meñ raaz aane lagā hai
azaañ hone lagī mehrāb-e-jāñ meñ
mirā vaqt-e-namāz aane lagā hai
yuuñ hī ik zaḳhm par de dī thī islāh
so ab le kar bayāz aane lagā hai
bahut se zaḳhm the ab sirf ik zaḳhm
lahū meñ irtikāz aane lagā hai
bahut ab ho chukī duniyā se yaarī
udhar se e'tirāz aane lagā hai
bahut kaarī hai ab ke aql kā vaar
junūñ ko imtiyāz aane lagā hai