paak hai lazzat-e-ishrat se zabān-e-vā.iz
jo balā aa.e ilāhī so ba-jān-e-vā.iz
ham-nafas bāġh-e-jināñ ghar hai gunahgāroñ kā
DhūñDh dozaḳh meñ kahīñ jā ke makān-e-vā.iz
ḳhidmat-e-rind qadah-nosh meñ ye be-adabī
jī meñ hai kāTiye dāñtoñ se zabān-e-vā.iz
ḳhud-farāmosh hai kyā aur ko samjhā.egā
rāst-bāzoñ se kajī par hai gumān-e-vā.iz
kyuuñ na ho tīr-e-ishārāt se aalam majrūh
qadd-e-ḳham-gashta hai goyā ki kamān-e-vā.iz