dil meñ bikhre hue jāloñ se pareshān na ho
mere guzre hue sāloñ se pareshān na ho
merī āvāz kī talḳhī ko gavāra kar le
mere gustāḳh savāloñ se pareshān na ho
maiñ ne maanā tirī āñkheñ nahīñ khultī haiñ magar
din nikalne de ujāloñ se pareshān na ho
apnī zulfoñ meñ utartī huī chāñdī ko chhupā
mere bikhre hue bāloñ se pareshān na ho
ai na.ī dost maiñ bharpūr huā huuñ terā
mere maazī ke havāloñ se pareshān na ho
dekh yuuñ duur na ho mujh ko lagā le dil se
tū mirī ruuh ke chhāloñ se pareshān na ho
ḳhud ko vīrān na kar mere liye jaan mirī
in pareshān ḳhayāloñ se pareshān na ho