ishq hai us zulf kā sartāj aaj
hai rasūl-e-husn kī me.arāj aaj
nok-e-mizhgāñ par nahīñ hai laḳht-e-dil
daar par khīñchā gayā hallāj aaj
tark chashm-e-yār ke tevar haiñ aur
ḳhirman-e-tāqat kā hai tārāj aaj
teġh-e-abrū kal paḌī dil par mire
tiir mizhgāñ kā huā āmāj aaj
chūse haiñ us ke misī ālūda-lab
maiñ ne nīlam kā kiyā pokhrāj aaj
vasl kī marzī thī kal us shoḳh kī
phir gayā vo vaqt-e-istimzāj aaj
likkhā hai jo vasf abrū kā 'vaqār'
sher-she.arī se na le kyuuñ baaj aaj