vo mizha mārtī kaTārī hai
chashm-e-baddūr zaḳhm kaarī hai
āñkheñ chamkā gayā vo barq-āsā
dil mirā vaqf-e-be-qarārī hai
qais bād-e-sabā hai bū lailā
shāḳh-e-gul naafe kī savārī hai
zulf tak go na pahuñchā shāna-vār
haath ko par umīd-vārī hai
dil pe chaḌhtī nahīñ koī tadbīr
merī taqdīr vo utārī hai
dostoñ se hai un kī ayyārī
aur a.adā se dost-dārī hai
dam samajhtā hai ai 'vaqār' vo shoḳh
merī do din se dam-shumārī hai