qais vo nātavān-e-sahrā hai
kālbud nīstān-e-sahrā hai
ātish-e-ishq se hai siina garm
jalva-e-barq jān-e-sahrā hai
tere dīvāna ke liye zanjīr
mauj-e-rañg-e-ravāñ-e-sahrā hai
ġham meñ kis sho.ala-rū ke dūd-e-āh
ātish-e-dūdmān-e-sahrā hai
hai jo farhād da.avatī-e-koh
qais bhī mehmān-e-sahrā hai
haif paik apnā rah-ġhalat-karda
taaza chashm-e-ravān-e-sahrā hai
hai har ik harf chashm-e-ġhūl 'vaqār'
is ġhazal meñ bayān-e-sahrā hai